سكولز

في "سكولز" بنتعهد بتقديم أفضل خدمة للتأكد من أمان وراحة أولادنا، وضمان اطمئنان آلاف الأمهات والآباء عن طريق استخدام التكنولوجيا الحديثة في تتبع أولادنا خطوة بخطوة من أول ما يخرجوا من باب البيت لحد ما يرجعوله تاني.

فاهمين كويس يعني ايه قلق العائلات على أبنائهم.. كلنا بنمر بأزمة ما بين حبنا لأطفالنا وحرصنا عليهم رحلتهم من وإلى المدرسة إنها تتم بأمان كامل وفي المواعيد المظبوطة، وفي نفس الوقت ما بين ضغوط العمل المستمرة على الأباء والأمهات ورحلة الصراع في الوصول للعمل كل يوم في مواعيد العمل المظبوطة كذلك.
أسعد لحظة في يومك كوالد إنك توصل أولادك مدرستهم وتتأكد من دخولهم المدرسة، بس بيتبع ده دايمًا القلق من الوصول لعملك أنت كمان قبل ما مديرك يخصملك!
فعشان لحظة السعادة دي تستمر طول اليوم، تعهدنا في "سكولز" إننا نقوم بفكرة تقوم على راحة وأمان العائلة كلها، واستخدمنا كل التنكولوجيا المتاحة إنك تتابع الأولاد ووسيلة المواصلات اللي هتنقلهم من باب البيت لباب المدرسة والعكس لحظة بلحظة حتى من قبل ما ينزلوا من البيت، وعلى جانب تاني قبل ما كابتن السيارة ينضم لينا بنتأكد إنه مناسب وعلى أعلى مستوى من الخبرة في التعامل مع الأطفال لضمان لتوصيلهم بأمان وراحة.

بنطمح إن الحلول العديدة اللي بنقدمها تساعد على تخفيف الضغط على العائلة كلها عن طريق خدمة ممتازة برسوم مناسبة وتجنب مشاكل باص المدرسة الكتيرة زي المصاريف الضخمة اللي بتدفع مرة واحدة وممكن مايُستفدتش بيها زي ما حصل في الفصل الدراسي الثاني ل 2020! أو المواعيد الغير مرنة إطلاقًا، بل الأهم هو رغبتنا في تتبع لحظة بلحظة كل خطوة من خطوات توصيلهم للمدرسة عشان نطمن عليهم بجانب راحتنا كعائلات.
"سكولز" قدمت الحلول دي وأكتر عن طريق فريق عمل خبير ودؤوب بينتج كل يوم فكرة جديدة لضمان سلاسة عملية توصيلهم كل يوم بشكل ذكي ومتكامل بضغطة زر واحدة!