Kort

Með kortaappi Landsbankans getur þú nú geymt bæði debet- og kreditkortin þín í farsímanum og notað símann til að greiða háar og lágar upphæðir. Kortaappið virkar í öllum posum, bæði hér á landi og erlendis, sem bjóða snertilausa virkni.
Þegar þú hefur sótt kortaappið og skráð kortin þín þarftu aðeins að skrá þig inn í símann með fingrafari, andlitsskanna eða lykilorði og bera símann að posanum til þess að borga. Ekki þarf að fara inn í appið sjálft til að framkvæma greiðslu. Sama ábyrgð á við um slíka auðkenningu eins og ef um PIN-númer væri að ræða.

Þú heldur öllum fríðindum á borð við Aukakrónur og tryggingum sem fylgja kortinu þegar þú greiðir með farsímanum. Úttektarheimildir eru þær sömu og í raun öll virkni kortsins.

Greiðslukort Landsbankans eru alþjóðleg Visakort sem fylgja nýjustu öryggisstöðlum. Það sama gildir um Visakort sem skráð eru í kortaapp Landsbankans. Við notkun kortaappsins þarf að framfylgja öryggisreglum við innskráningu í farsímann til að tryggja öryggi greiðsluupplýsinga sem skráðar eru í appið. Ekki er hægt að framkvæma greiðslur nema að eftirtöldum skilyrðum uppfylltum:

1. Síminn er með læsingu (fingrafar, andlitsskanni eða lykilorð)
2. Lykilorð er minnst 4 tölustafir
3. Kortaappinu er veittur aðgangur að öryggisstillingum farsímans

Appið virkar einungis fyrir viðskiptavini Landsbankans sem hafa debet- og/eða kreditkort frá bankanum.

Nánari upplýsingar er að finna á heimasíðu Landsbankans: www.landsbankinn.is/kortaapp